Policia e Shtetit në bashkëpunim me të gjitha organet ligjzbatuese vijojnë operacionin masiv antikanabis në të gjithë territorin e vendit, nga ajri e toka.
Policia po bën një rikontroll në sera, magazina, ish depo e tunele, banesa të braktisura, tokë private e tokë shtetërore, në sipërfaqe pyjore dhe kullota, ku më parë është gjetur ose jo kanabis.
Gjithashtu një kontroll po realizohet edhe në të gjithë vijën bregdetare, në basene e ujëmbledhës.
Në të gjithë vendin gjatë 72 orëve të fundit në zona malore të pyllëzuara janë gjetur të kultivuara dhe janë asgjësuar gjithsej 163 bimë kanabis.
Operacioni drejtohet dhe monitorohet nga Drejtori i Përgjithshëm i Policisë së Shtetit, Haki Çako.
Operacioni masiv sipas policisë së shtetit do të vijojë pa ndërprerje deri në rikontrollin e plotë të territorit të vendit.
Para dy ditësh Ministri i Brendshëm deklaroi se nuk ka asnjë parcelë me kanabis, ndërsa Rama u shpreh i bindur se deri në fund të vitit 2017 do t’i vendoset kapak kësaj historie.
a.ç
