Një 30vjeçar është vënë në prangat e policisë së Tiranës, pasi akuzohet për aksidentin me vdekjen e një personi në zonën e Astirit një natë më parë në kryeqytet.
Ngjarja ka ndodhur në rrugën “Teodor Keko”, ndërkohë që viktima nuk është identifikuar ende.
“P. M. (M)., 30 vjeç, banues në Durrës, pasi duke drejtuar automjetin, në rrugën “Teodor Keko”, ka aksidentuar me pasojë vdekjen, një shtetas ende të paidentifikuar. Materialet i kaluan Prokurorisë, për veprime të mëtejshme procedurale”, njofton policia.
Ndërkohë nga pamjet e publikuara nga momenti i aksidentit të ndodhur në Astir duken dy këmbësorë që kanë tentuar të kalojnë rrugën, ku njëri prej tyre ka gjetur vdekjen pas përplasjes nga automjeti që po lëvizte me shpejtësi.
/a.r
