Policia e Rrugore e Vlorës dhe e Sarandës kanë arrestuar në flagrancë tre shtetas për mosrespektim të rregullave të qarkullimit rrugor.
Shtetasja E.Velika 30 vjeçe ka aksidentuar një fëmijë të mitur në vendin e quajtur “Rreth-rrotullimi i trgut të fruta perimeve” duke drejtuar mjetin tip “Nissan” dhe më pas është larguar nga vendi i ngjarjes.
Specialistët e Seksionit të Qarkullimit Rrugor në DVP Vlorë, kanë arrestuar në flagrancë shtetasin Marildo.K., 28 vjeç, banues në Vlorë. Ky shtetas u konstatua nga shërbimet e policisë rrugore në lagjen ”Uji i Ftohtë”, duke drejtuar automjetin tip ”Audi”, i pa pajisur me leje drejtimi përkatëse.
Policia rrugore e Sarandës ka arrestuar në flagrancë shtetasin Andrea.J., 45 vjeç, banues në Sarandë.
Ky shtetas u konstatua nga shërbimet e policisë rrugore në rrugën Sarandë-Metoq, duke drejtuar automjetin tip ”Benz”, nën efektin e pijeve alkoolike.
Materialet hetimore iu referuan Prokurorisë për veprat penale ”Drejtimi mjeteve në mënyrë të parregullt”, ”Shkelja e rregullave të qarkullimit rrugor” dhe ”Largimi nga vendi i aksidentit”, të parashkikuara nga neni 291, 290 dhe 273 të Kodit Penal./a.m.
