Aventura për një 43-vjeçare kroate në malin e Jezerces ka përfunduar tragjikisht. Ajo ka rënë nga një terren i thepisur malor dhe me borë, e për pasojë ka gjetur vdekjen.
Viktima është identifikuar si Z. L., 43 vjeçe, e cila kishte ardhur së bashku me një grup aplinistësh.
Aplinistja ka rrëshqitur nga një lartësi dhe për pasojë kishte humbur jetën. Pas disa orësh kërkimesh, është bërë e mundur gjetja e trupit të saj dhe do transportohet me helikopter, drejt morgut.
“Salla Operative e Komisariatit të Policisë Tropojë ka marrë njoftim nga një grup aplinistësh, që mendohet të jenë shtetas kroatë, të cilët janë ngjitur nga territori i Malit të Zi, për të mbërritur në vendin e quajtur “Maja e Jezerces”, se njëra nga anëtaret e grupit kishte rënë nga një terren i thepisur malor dhe me borë.
Menjëherë pas marrjes së njoftimit, shërbimet e Komisariatit të Policisë Tropojë, së bashku me ekipin mjekësor të spitalit të Tropojës dhe ekipin e kërkim-shpëtimit, janë nisur bashkë me helikopterin e Emergjencave Civile, drejt adresës së dhënë. Pas disa orësh kërkime nga shërbimet e Policisë, turistët u lokalizuan në vendin e quajtur “Maja e Jezerces”.
Turistja kroate, shtetasja Z. L., 43 vjeçe, për shkak të terrenit të thepisur malor, ka rrëshkitur nga një lartësi dhe për pasojë kishte humbur jetën. Nga ekipi i kërkim-shpëtimit është bërë e mundur nxjerrja e trupit të pajetë dhe do transportohet me helikopter, drejt morgut. Vijon operacioni i shpëtimit, mbështetur nga Ministria e Shëndetësisë dhe Mbrojtjes, për të bërë të mundur nxjerrjen e turistëve të tjerë, nga vendi ku janë bllokuar”, thuhet në njoftimin e policisë.
/f.s
