Një autobus i linjës Stamboll-Tiranë, është përfshirë në një aksident gjatë kësaj të diele.
Mësohet se mjeti në të cilin ndodheshin 57 turistë shqiptarë, ka dalë jashtë rruge duke përfunduar në një kanal në Greqi.
Bëhet me dije se ngjarja ka ndodhur mesditën e lënë pas në autostradën “Egnatia”.
Autobusi i cili kishte targa shqiptare, ishte nisur nga Stambolli drejt Tiranës, pas pushimeve tre ditore.
Fatmirësisht nga aksidenti nuk ka persona të dëmtuar rëndë, përveç lëndimeve të lehta.
Lidhur me këtë ngjarje hetimet janë në vijim, për të zbuluar shkaqet e aksidentit.
/a.rada
