Aksident rrugor me pasojë një person të plagosur rëndë është regjistruar pasditen e sotme në hyrje të qytetit të Vlorës.
Ngjarja ka ndodhur rreth orës 17:50 pranë vendit të quajtur “Pusi i Mezinit”, ku automjeti tip Nisan-autoveturë, me targë AA 879 J X, me drejtues shtetasen J.L., 26 vjeçe, është përplasur me një mjet tjetër Nisan-karoceri, me targë AA 294 MZ, me drejtues shtetasin Xh.Sh., rreth 45 vjeç.
Për pasojë nga përplasja ka mbetur e plagosur rëndë 26 vjeçarja J.L., e cila ndodhet në Spitalin e Vlorës dhe po merr ndihmën e nevojshme mjekësore.
Policia e cila ka shkuar në vendin e ngjarjes ka shoqëruar drejtuesin e mjetin tjetër të përfshirë në këtë përplasje, 45 vjeçarin Xh.Sh. Grupi hetimor po punon për zbulimin e shkaqeve të plota të aksidentit./noa/a.k
