Babai i 3-vjeçares së aksidentuar për vdekje te Fresku ka mbetur i gjymtuar. Ai dhe gruaja e tij, bashkë me vajzën e vogël, u goditën nga makina e drejtuar nga Françesko Otobashi, teksa qëndronin mbi trotuar.
Vajza e mitur ndërroi jetë menjëherë për shkak të goditjes së fortë nga makina, ndërsa babai i saj, Landi Shallari, mbeti i plagosur rëndë. Gjendja shëndetësore e tij është përkeqësuar gjatë natës duke gdhirë dita e djeshme.
Për shkak të dëmtimit të rëndë në njërën këmbë, mjekët nuk kanë pasur zgjidhje tjetër për t’i shpëtuar jetën veçse t’ia prisnin dhe në këtë mënyrë 44-vjeçari ka mbetur i gjymtuar.
Ndërsa nëna e së miturës mësohet se është jashtë rrezikut për jetën, pasi plagët kanë qenë sipërfaqësore, megjithatë duket se ngjarja ka lënë pasoja të rënda psikologjike tek ajo.
Pas mjekimit pasditen e së hënës, 40-vjeçarja është kthyer në banesë, por gjatë gjithë kohës një mjek është kujdesur për gjendjen e saj, pasi herë pas herë ajo humbiste ndjenjat.
Panorama/d.i.