Policia ka dhënë detaje për aksidentin e shkaktuar nga Kevi Bardhi, djali i kryebashkiakut të Laçit, Artur Bardhi. Ai goditi makinën e policisë, duke plagosur tre persona, njëri prej të cilëve në gjendje të rëndë.
Deklarata e policisë:
“Me datë 20.10.2016 , rreth orës 11:30, në superstradë në FushëMamurras ka ndodhur një aksident ku janë përplasur mjetet: Benz me targë AA 111 OU ku drejtues dyshohet shtetasi K.B. i cili është larguar nga vendi i ngjarjes.
Ford me targë AA 602 CH me drejtues shtetasi F.A.
Mjeti i policisë Lezhë me targë Policia 2024.
Për pasojë janë lënduar një efektiv i policisë rrugore dhe 2 pasagjerë në mjetin Benz me targë AA111OU të cilët ndodhen në spital nën kujdesin e mjekëve.
Grupi hetimor në vendngjarje po punon për zbardhjen e plotë të shkaqeve të aksidentit.
d.i.
Aksidenti, Policia: Djali i kryebashkiakut u largua nga vendngjarja pas goditjes
