Një aksident ka ndodhur dje në aksin rrugor Ura e Gjolës-Fushë-Krujë ku është përfshirë edhe një furgon me nxënës, çka ka sjellë plagosjen e një 12-vjeçareje. Ndërkaq policia e Fushë-Krujës ka arrestuar një prej shoferëve dhe ka proceduar penalisht tjetrin.
Sipas të dhënave zyrtare, aksidenti ndodhi dje rreth orës 14:00, ku Gaspër Nika duke drejtuar mikrobusin me targa AA 580 FE, me nxënës, ka humbur kontrollin dhe është përplasur me një furgon mallrash me targa AA 179 AK, me drejtues shtetasin E.K.
Furgoni me nxënës ka rënë në kanal e për pasojë, një nxënëse ka fraktura në krah, F.A., por ndodhet jashtë rrezikut për jetën.
Pas aksidentit shoferi i furgonit me nxënës Gaspër Nika është arrestuar nga policia me akuzën për “Shkelje të rregullave të qarkullimit rrugor” ndërsa ka nisur procedimi penal për shoferin tjetër të furgonit të mallrave, me iniciale E.K për “Largim nga vendi i aksidentit”.
BW/d.i.
