Gjykata e Vlorës ka dhënë masën e sigurisë “arrest shtëpie me mbikqyrje elektronike” për Petraq Bejën, drejtuesin e mjetit që ra në gropën e hapur në rrugë pranë Ujit të Ftohtë. Në aksident, humbi jetën 17-vjeçari Kristo Panajoti.
Seanca u zhvillua në ambjentet e spitalit ku gjendet i shtruar aktualisht Beja. 21-vjeçari ka deklaruar se po lëvizte me shpejtësi normale dhe se nuk e kishte parë gropën.
“Po lëvizja me shpejtësi normale, dhe nuk e kam devijuar rrugën, pasi nuk e kam parë fare gropën”, tha Beja.
Arrest me burg është kërkuar nga prokurori i çështjes, Laurent Fuçia, për Ilirian Tahmazin, me detyrë përgjegjës i sigurimit teknik dhe Tomorr Cenën, me detyrë inxhinier zbatues i projektit.
Mbi Tahmazin dhe Cenën rëndon akuza e shkeljes së rregullave të mbrojtjes në punë.
shqiptarja.com/d.i.
