Është publikuar fotoja e mjekut shqiptar që humbi jetën mbrëmjen e djeshme, pasi ambulanca në të cilën ai ishte, u përplas me një autobus dhe më pas shpërtheu në flakë.
Bashkë me 40-vjeçarin, Sokol Hoxha, tre personat e tjerë që humbën jetën janë identifikuar si Stefano Sabbatini (shofer), Cinzia Mariotti di Acqualagna (infermiere) dhe pacienti i transportuar me ambulancë, 85-vjeçari Alberto Serfilippi.
![](https://cdnimpuls.com/a2news.com/media3/-900-0-1703758990x640-0-1703758395xauto-sokol11703756461-1-899-484.jpg)
Autobusi që u përplas me ambulancën transportonte rreth dyzet nxënës të shkollës së mesme, të cilët po udhëtonin me priftin e një famullie në Grottammare, në zonën e Piceno.
Sipas mediave italiane, ata kanë arritur me shpejtësi të dalin nga automjeti dhe të arrijnë në dalje të tunelit. Dy prej tyre, të cilët ranë në një shkëmb aty pranë, u shpëtuan dhe u gjetën nga një ambulancë ajrore.
![](https://cdnimpuls.com/a2news.com/media3/-900-0-1703758990xschianto-in-galleria-a-urbino-784.webp)
Fatmirësisht janë të gjithë jashtë rrezikut për jetën. Aksidenti ndodhi brenda një tuneli në rrugën që lidh Urbinon dhe Ferminganon në Itali.
/f.s