Një aksident rrugor me pasojë plagosjen e një personi ka ndodhur dje në fshatin Ravonik të Korçës. Sipas policisë, drejtuesi i mjetit me iniciale V.Z ka përplasur këmbësorin i identifikuar si Y.M, 48 vjeç.
Ky i fundit ndodhet në spitalin rajonal të Korçës në gjendje të rëndë për jetën. Autori i aksidentit është larguar nga vendi i ngjarjes duke e lënë të plagosurin në mes të rrugës. Grupi hetimor dhe policia po punojnë për kapjen e autorit dhe zbardhjen e rrethanave të ngjarjes.
Njoftimi i policisë:
“Në vijim të informacionit paraprak datë 14.06.2019, i cili bën fjalë për një aksident të ndodhur në aksin rrugor Korçë-Ersekë, informojmë se nga specialistët e Sektorit për Policinë Rrugore, u bë shpallja në kërkim dhe po punohet për kapjen e shtetasit V.Z, 54 vjeç, banues në Korçë, pasi ky shtetas duke drejtuar një mjet tip “Benz”, ka aksidentuar shtetasin Y.M, 48 vjeç, banues në fshatin Ravonik, Korçë, këmbësor në rrugë, i cili aktualisht ndodhet në Spitalin e Traumës, në gjendje të rëndë shëndetësore.
Drejtuesi i mjetit, pasi ka aksidentuar 48-vjeçarin, është larguar nga vendi i ngjarjes. Materialet i kaluan Prokurorisë pranë Gjykatës së Shkallës së Parë Korçë për veprat penale “Shkelja e rregullave të qarkullimit rrugor” dhe “Largimi nga vendi i aksidentit”-njofton policia.
