Një aksident i rëndë me pasojë vdekjen e një personi ka ndodhur në aksin rrugor Librazhd-Prrenjas mesditën e kësaj të diele.
Sipas raportimeve paraprake bëhet me dije se viktimë ka mbetur një shtetas nga Maqedonia identiteti i të cilit nuk bëhet ende me dije.
Aksidenti ka ndodhur pranë urës hekurudhore të Bushtricës.
Viktima udhëtonte me një motor dhe në një moment ka humbur kontrollin duke dalë nga rruga.
Përplasja ishte tepër e fortë dhe ka rezultuar fatale për drejtuesin e motorit që ka humbur jetën në vend.
Policia ndodhet në vendngjarje dhe vijon veprimet hetimore për zbardhjen e plotë të ngjarjes.
a.ç
