Një person ka vdekur si pasojë e një aksidenti të rëndë rrugor të ndodhur në aksin që lidh qytetin e Shkodrës me Hanin e Hotit.
Ngjarja e rëndë ka ndodhur në orët e pasdites së të hënës. Paraprakisht raportohet se një automjet i tonazhit të rëndë ka përplasur viktimën, që ishte kalimtar e që mund t’i ketë dalë në rrugë papritur mjetit.
Policia mbërriti në vendin e ngjarjes dhe ka nisur hetimet për zbardhjen e saj. Për momentin identiteti i personit që ka mbetur i vdekur nuk bëhet me dije.
