Një djalë dhe një vajzë janë plagosur pak minuta më parë në dalje të Tiranës pasi mjeti në të cilin udhëtonin doli nga rruga si pasojë e humbjes së kontrollit.
Ngjarja ndodhi rreth orës 17:10, afër hyrjes së Parkut të Dajtit, kur shtetasi A. Ll., 33 vjeç, ka humbur kontrollin e mjetit, duke dalë nga rruga.
Si pasojë është dëmtuar drejtuesi i mjetit dhe pasagjerja në mjet, shtetasja J. J., 22 vjeçe.
Dy të rinjtë u dërguan dhe ndodhen në spital, nën kujdesin e mjekëve, paraprakisht jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
/b.h
