Një aksident ka ndodhur pasditen e sotme në autostradën Lushnjë-Fier, në afërsi të fshatit Gorre.
Një mjet tip ‘Benz’, me targa AA681KJ, është përfshirë në aksident me një motomjet tip triçikël. Nga aksidenti ka pasur edhe dy të plagosur rëndë në spitalin e Lushnjës.
Si pasojë e përplasjes mes dy mjeteve, ato janë batuar dhe përmbysur në rrugën kryesore.
Policia e Qarkullimit Rrugor shkoi në vendngjarje, ku po dokumenton dinamkikën dhe shkaqet dhe po punon për zbardhjen e plotë të rrethanave. Gjithashtu është punuar edhe për disiplinimin e trafikut të shkaktuar nga ky aksident në rrugë.
Sipas të dhënave paraprake dyshohet se shkak mund të ketë qenë një manovër e gabuar në parakalim.
