Tre persona të plagosur rëndë është bilanci i një aksidenti të ndodhur gjatë pasditës në aksin rrugor Qafë Thanë-Pogradec. Në aksident janë ëprfshirë një kamion mallrash me targa maqedonase dhe një mjet tip Peugeot.
Mësohet se një kamion maqedonas me targa OH 447 IM, me drejtues shtetasin Fatmir Rakimovski, 55 vjeç,
banues në Ohër ka dalë nga rruga dhe për pasojë është përplasur me një automjet tip “Peugot” me targa AA 570 IF, të drejtuar nga shtetasi V.H., rreth 50 vjeç.
Për shkak të përplasjes së fortë është dëmtuar 50vjeçari si edhe vajza e tij SH.H., rreth 20 vjeç, pasagjere tek automjeti. Ata u dërguan në Spitalin e Pogradecit,
ku drejtuesi ndodhet aktualisht në gjendje të rëndë shëndetësore, ndërsa vajza e tij jashtë rrezikut për jetën.
Shtetasi V.H., pas ndihmës mjekësore të marrë, në Spitalin e Pogradecit, u nis për në Spitalin e Traumës në Tiranë, për mjekim te specializuar.
Drejtuesi i kamionit, u shoqërua në Komisariatin e Pogradecit. U ngrit grupi hetimor dhe po punohet për të zbardhur shkaqet dhe rrethanat e aksidentit.
