Një aksident automobilistik është shënuar të shtunën në darkë në aksin e vjetër rrugor Mamurras-Fushë Krujë, në vendin e quajtur “Kryqëzimi i Adriatikut”.
Në aksident janë përfshirë tre automjete.
Mjeti tip Benz me ngjyrë gri, në tentativë për të parakaluar golfin, godet Benzin me ngjyrë blu që drejtohej nga një femër.
Në një njoftim për mediat, policia tha se janë plagosur tre persona.
Mësohet se tre të plagosurit janë dërguar për të marrë ndihmën mjekësore në spitalin e Traumës në Tiranë, por jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Njoftimi i policisë:
Në aksin e vjetër Mamurras- Thumanë, në vendin e quajtur “Kryqëzimi i Adriatikut ” ,janë përplasur 3 automjete, ku si pasojë kanë marrë dëmtime 3 shtetas, të cilët janë dërguar në spitalin e Traumës, Tiranë dhe ndodhën nën kujdesin mjekësor, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes./m.j
