Një aksident tragjik ka ndodhur në rrugë në Villafranca të Astit në Itali, ku si pasojë ka humbur jetën një shqiptar. Mediat e huaja raportojnë se 38-vjeçari po udhëtonte me mjetin e tij tip ‘Fiat Panda” kur u përplas me një mjet tjetër. Sipas informacioneve emri i viktimës është Klodian Tatani, babi i tre fëmijëve.
Dy persona të tjerë të përfshirë në aksident kanë mbetur të plagosur lehtë. Dyshohet se në momentin e aksidentit rruga ka qenë e lagësht dhe e rrëshqitshme. Shkak për aksidentin është bërë mjeti tjetër që humbi kontrollin dhe u përplas kokë më kokë me makinën që drejtonte shqiptari.
Policia ndodhet në vendngjarje duke hetuar mbi aksidentin, ku viktimë ngeli Klodian Tatani.
g.kosovari
