Një 17-vjeçar ka humbur jetën si pasojë e një aksidenti në aksin rrugor Elbasan- Librazhd.
Të dhënat e para bëjnë të ditur se aksidenti ka ndodhur pak para mesnatës së të premtes në fshatin Mengël.
Automjeti me targë TR 9900 S, i drejtuar nga S. S 36 vjeç, përplasi 17-vjeçarin Taulant Kalia duke i shkaktuar plagë të rënda. I riu ndërroi jetë në spital për shkak të plagëve të marra.
Mendohet se shkak i aksidentit ka qënë shpejtësia e madhe e mjetit si dhe mungesa e ndriçimit në rrugë. Policia vijon hetimet për zbardhjen e plotë të ngjarjes.
