Një aksident i rëndë ka ndodhur pas mesnatës në aksin rrugor Gostimë- Mollas, në fshatin Lumas të Cërrikut, ku si pasojë e daljes së mjetit nga rruga ka humbur jetën shoferi 33-vjeçar R. Hoxha.
Ndërkohë që në gjendje të rëndë është edhe pasagjeri që ndodhej në mjet në momentin e aksidentit. Grupi hetimor po punon për zbardhjen e shkakut të aksidentit me pasoja të rënda.
Njoftimi i policisë:
Më datë 11.07.2021, rreth orës 01:45, në aksin rrugor Gostimë- Mollas, në fshatin Lumas, mjeti tip “Audi”, me drejtues shtetasin R.H., 33 vjeç, ka humbur kontrollin e drejtimit të mjetit dhe ka dalë nga rruga.
Si pasojë e aksidentit ka ndërruar jetë drejtuesi i mjetit shtetasi R.H., dhe është plagosur pasagjeri shtetasi E.Q., 29 vjeç, banues në fshatin Floq, Cërrik i cili ndodhet nën kujdesin e mjekëve. Grupi hetimor po punon për zbardhjen e shkaktut të aksidentit.
/b.h
