Një aksident ka ndodhur mbrëmjen e sotme në aksin Berat-Duhanas,në vendin e quajtur “Ura e Bratit”. Mjeti,tip BMW,me targa AA 049 OB,duke ardhur nga fshati Duhanas në drejtim të qytetit të Beratit,ka dalê nga rruga dhe ka përfunduar në kanal.
Në vendngjarje kanë shkuar forca policie dhe zjarrëfikëse.
Kanë qënë efektivët zjarrëfikës ata që kanë bërë të mundur nxjerrjen shëndoshê e mirë nga mjeti të drejtuesit te automjetit,shtetasit Adnand Çala,banues në fshatin Duhanas.
Drejtuesi i mjetit, fatmirësisht ka dalë pa lëndime nga makina.Burimet policore në vendngjarje bëjnë me dije se,shkak për aksidentin dhe daljen e mjetit nga rruga është bërë lagështira në rrugë dhe mungesa e ndriçimit në këtë aks rrugor.
