Një aksident shumë i rëndë ka ndodhur ditën e sotme në Kryebushat te Shkodrës, ku ka mbetur i vdekur një person.
Drejtuesi i mjetit Benz me targa AA 802 JA , Ludovik Malota 62 vjeç, ka vdekur në spitalin e Shkodrës.
Në aksident është përfshirë gjithashtu edhe myftiu i Malësisë së Madhe Edmir Smajlja me bashkeshorten.
Informacion Paraprak
Me datë 24.05.2018 rreth orës 17:45 jemi njoftuar se në aksin rrugor Shkodër- Lezhë në vendin e quajtur krye-Bushat ka ndodhur një aksident.
Menjëhere kanë shkuar shërbimet e policisë ku kanë konstatuar se mjetet tip BenzMe targë AA 802 JA, mjeti tip Peugeot me targë AA 019 FF dhe mjeti tip Opel me targë AA 332 EK janë perplasur, ku për pasojë ka ndërruar jetë drejtuesi i mjetit tip Benz shtetasi L. M. 62 vjeç, pasi ka mbërritur në Spitalin Rajonal Shkodër
Si pasojë e aksidentit janë dëmtuar dy pasagjeret e mjetit Benz shtetaset D. M. 57 vjeçe dhe K. M. 25 vjeçe të cilat ndodhen në Spitalin Rajonal Shkodër nën kujdesin e mjekëve
Ndërsa dy drejtuesit e dy mjeteve të tjera shtetasit A. K. dhe E. S. do shoqërohen në ambientet e Komisariatit të Policisë Shkodër për veprime të mëtejshme
Në vendngjarje ndodhet grupi hetimor dhe po punon për sqarimin e rrethanave të aksidentit.
