Një aksident i rëndë ka ndodhur ditën e sotme në aksin Selanik-Athinë, ku ka humbur jetën një 59-vjeçar, i cili kishte ndalur makinën në korsinë e emergjencës për të folur në telefon, por një tjetër makinë e ka përplasur duke e lënë të vdekur.
Sipas mediave greke 59-vjeçari ishte ndalur në korsinë e emergjencës për të folur në telefon, ndërkohë që makina e drejtuar nga një 26-vjeçar shqiptar i ka shkuar nga pas duke e përplasur, dhe ka lënë të vdekur të moshuarin.
Shqiptari u arrestua, ndërsa hetimet paraprake po kryhen për shkaqet e aksidentit.
