Një aksident rrugor ka ndodhur mbrëmjen e djeshme në fshatin Vashtemi, ku për pasojë ka mbetur i plagosur rëndë drejtuesi i mjetit.
Burime nga policia bëjnë me dije se një automjet tip “Benz” ka dalë nga rruga, duke përfunduar në parcelë. Për pasojë ka mbetur i lënduar shtetasi N.V 63 vjeç.
63 vjeçari është transportuar menjëherë drejt urgjencës për të marrë ndihmën e nevojshme. Ndërkohë, burimet bëjnë me dije se shkak i aksidentit dyshohet shpejtësia tej normave të lejuara si dhe gjendja e dehur e drejtuesit të mjetit.
Ndërsa, policia ka shkuar në vendngjarje menjëherë pas aksidentit për hetime të mëtejshme për zbardhjen e plotë të ngjarjes.
/a.rada
