Mediat në Greqi raportojnë se një 31-vjeçar shqiptar ka humbur jetën në një aksident automobilistik, ndërsa ka mbetur i plagosur një 44-vjeçar, po me orgjinë shqiptare.
Aksidenti ka ndodhur në Karpathos, në orët e para të mëngjesit në kilometrin e parë të rrugës Pigadia – Aperi.
Makina me të cilën po udhëtonin dy shqiptarët në rrethana ende të paqarta doli nga rruga dhe u përplas me një pemë.
Policia dhe ambulancat shkuan në vendngjarje për të transportuar në spital të dëmtuarit. Shkaqet që çuan në aksident po hetohen nga Departamenti i Policisë Karpathos. /l.m
