Një aksident me vdekje ka ndodhur mbrëmjen e sotme në Sukth të Durrësit. Mësohet se rreth orës 19:00, në Sukth të Durrësit, shtetasi A. A., 20 vjeç, duke drejtuar mjetin tip “BMW”, ka aksidentuar këmbësoren, N. L., 72 vjeçe, e cila për pasojë ka ndërruar jetë.
Drejtuesi i mjetit është i pajisur me leje drejtimi, ndërsa pas aksidentit ai është shoqëruar në ambientet e Policisë për veprime të mëtejshme.
Nga testi i kryer është konstatuar se nuk ka përdorur pije alkoolike. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
/b.h
