Një aksident i rëndë ka ndodhur ditën e sotme në Vorë (2 shtator), teksa dy automjete që udhëtonin afër Rinasit janë përplasur ‘kokë më kokë’, me pasojë 2 shoferë të plagosur rëndë.
Një makinë që udhëtonte nga Rinasi në drejtim të Fushë-Krujës, ka kryer një parakalim të gabuar, duke u përplasur me një tjetër automjet në afërsi të Vorës.
Aksidenti ndodhi mbi Urën e Gjolës, ku një automjet tip “Benz” që udhëtonte nga Rinasi në drejtim të Fushë-Krujës dyshohet se ka kryer një parakalim të gabuar, duke u përplasur kokë më kokë me një mjet tip “Land Rover”, që lëvizte në drejtim të kundërt.
Dy shoferët u dërguan me urgjencë drejt Spitalit të Traumës në Tiranë, për ndihmë mjekësore me të specializuar, kurse hetimet për zbardhjen e shkaqeve të aksidentit vijojnë.
Policia Rrugore ka shkuar menjëherë në vendngjarje së bashku me ambulancën dhe kanë nisur hetimet për zbardhjen e dinamikës, shkaqeve dhe për ndihmën e parë.
