Aksi rrugor Krujë-Qafshtamë ka pësuar dëme nga tërmeti i 26 nëntorit. Në këtë segment ka pasur rrëshqitje dherash çka rrezikon edhe jetën e kalimtarëve. Grupi i eksperteve ka bërë verifikimet në terren por nuk kanë marrë asnjë vendim për qarkullimin ose jo në këtë rrugë, pasi nuk ka as tabelsë sinjalizuese për dëmet.
Tërmeti i 26 nëntorit nuk ka kursyer edhe aksin rrugor Krujë-Qafshtamë. Në këtë segment ka pasur rrëshqitje të dherave.Një grup ekspertësh të xhenios kanë bërë konstatimet e dëmeve dhe ende nuk është marrë një vendim për të lejuar qarkullimin ose jo në këtë aks. Edhe pse rruga është e dëmtuar asnjë tabelë sinjalizuese nuk është vendosur .
Ky segment rrugor të lidh edhe me Parkun e Qafshtamës, një destinacion i preferuar nga turistët në çdo stinë të vitit. Në këto kushte rruga Krujë-Qafshatmë përbën rrezik si për kalimtarët ashtu edhe për drejtuesit e automjeteve që qarkullojnë pasi nga momenti në moment rrezikohet të shkëputet ndonjë sasi dherash apo gurësh.
Aksi rrugor Krujë- Qafshatmë ka pasur vazhdimisht probleme me rrëshqitjen e dherave dhe gjithashtu ka pasur shembje të mureve mbajtëse anësore. Tërmeti siç duket ka rritur edhe më shumë nivelin e rrezikshmërisë në këtë rrugë. (Shqiptarja.com)
