Nga Artur Ajazi
Propoganda cmirzezë dhe idioteske e opozitës, natyrisht ka prekur edhe sektorin e shërbimeve. Një prej tyre mbetet Kadastra Shqiptare. Ç’nuk janë thënë, janë shpikur dhe shpifur ndaj drejtuesve dhe punonjësve të ish-Hipotekës, sot Agjensia e Kadastrës Shqiptare. Përpos rasteve sporadike të korrupsionit, goditja e këtij fenomeni ka qenë dhe mbetet parësore për drejtuesit e qëndrës dhe ata të qarqeve.
Agjensia e Kadastrës Shqipëtare dega Elbasan, mbetet ndër të vetmet njësi shërbimi ku “qytetari ndjehet i pari”, ndjehet i respektuar, punëmbaruar, dhe pse jo..brënda 48 orësh zgjidh hallin dhe problemin e tij. Prej 2 vitesh Mareglen Disha drejton Agjensinë e Kadastrës në Qarkun e Elbasanit, një prej qarqeve me probleme të shumta dikur, dhe që sot është shembulli i respektimit dhe zbatimit të afateve ligjore ndaj kërkesave të çdo qytetari.
Prej 1998 apo prej 2005, ka patur qindra qytetarë elbasanas, (si lagja më e vjetër Kala) apo dhe zona të tjera si, 5 Maj, Rrapishta, zona e Ullishtes, zonat rurale apo dhe qytetet e tjera të qarkut, që rrinin me vite, sorrollateshin, dhe nuk mbaronin punë vetëm për një..firmë. ka zë. Ka zëra qytetarësh që shprehen se “kam vajtur mbi 40 herë tek Shaban Memia dikur, dhe kam mbaruar punë kur në krye të Hipotekës Elbasanit erdhi Mareglen Disha”.Sot Agjensia e Kadastrës Elbasanit, është i vetmi institucion i besueshëm nga qytetarët, i vetmi institucion i palakuar nga organet e drejtësisë në qark dhe ato në Tiranë.
Zoti Disha shprehet se “askush në institucionin që unë drejtoj nuk ka shansin ta mendojë, dhe jo pastaj ta shkelë ligjin, askush nuk ka shansin të sorrollasë qytetarin, të mos e sqarojë dhe mbarojë punë atij sipas afateve të paracaktuara nga Drejtoria e Përgjithshme dhe ligji”. Pothuajse çdo ditë 20-25 qytetarë marrin në duart e tyre çertifikatën e pronësisë. Prej dy muajsh, çdo shërbim që u nevojitet qytetarit, mund ta marrin përmes portalit “e-albania”, si aplikimi për verifikimin on-line të pronësisë, të dhënave, aplikim për informacion të pasurive të palujtshme, pozicioni veprës infrastrukturore, saktësim i kufijve të ndërtesës, tokës, etjj…
Agjensia e Kadastrës e Qarkut Elbasanit, është më e madhja në shkallë vendi, me 5 qytete dhe rrethina, ndaj dhe fluksi dhe ngarkesa e pranimit , përpunimit dosjeve dhe dorëzimit të certifikatave të pronësisë mbetet i lartë. Çelësi “suksesit” sipas zotit Disha mbetet “orari në punë, edukata dhe respekti ndaj çdo qytetari,impenjimi ndaj problemeve të tyre, toleranca zero ndaj çdo abuzimi, ndaj kujdo qoftë”. AKSH dega Elbasan, mbetet i vetmi institucion, ku shpesh drejtori i Përgjithshëm Artan Lame thotë se “është shembulli më i mirë, se si ligji dhe qytetari, janë në harmoni perfekte mes tyre”.
