Analisti Mustafa Nano ishte i ftuar mbrëmjen e djeshme në emisionin ‘Xing me Ermalin’, ku ndër të tjera foli edhe për njohjen me ish-kryeministrin Sali Berisha.
Nano tha se takimi i parë me Berishën ishte në Skrapar gjatë një takimi me banorët, ndërkohë që tregoi edhe një gafë që kishte bërë ish-kryeministri.
‘Për herë të parë Berishën e kam takuar në Skrapar, ndejti disa orë aty dhe është bërë një takim me njerëzit. Përpara se të hynim në tubim Berisha si duket po sistemonte gjërat në kokë çfarë do thoshte dhe më pyeti ‘këtu në Skrapar cila është figura, cili është personaliteti që respektohet me shumë’.
Unë nuk kisha menduar ndonjëherë për këtë punë, u mendova dy-tre sekonda dhe thashë Kahraman Ylli. Kahraman Ylli ka qenë rektori i parë i Universitetit të Tiranës dhe funksionar komunist që është marrë me arsimin. Edhe u futëm brenda, filloi takimi, salla ishte plot dhe nga mesi i fjalës Berisha lëshoi bombën ‘sepse Kahraman Yllin Enver Hoxha e ka vrarë’ tha.
Mua nuk më rezulton të jetë e vërtetë kjo, por ai e tha atë sepse ishte në një vend të konsideruar si bastioni i komunizmit dhe donte të krijonte një marrrëdhënie jo miqësore midis komunizmit që njerëzit e donin dhe faktit që komunizmi kishte vrarë personin të cilin ata e respektonin. Ky është një nga momentet e para kur unë kam thënë për Berishën ‘ky është njeri i çuditshëm’.
Ishte nga momentet e para kur unë e kam parë me dyshim sepse ishte nuk e di për mua e pahijshme se njeriu mund të thotë gjëra, por jo gjëra që nuk i beson as vetë’, tha Nano.
E.Xh./
