Kryetari i Komunës së Prishtinës, Shpend Ahmeti, ka kritikuar deklaratën e ministrin të Jashtëm të Serbisë, Ivica Daçiç, në lidhje me pezullimin e përkohshëm të marrëveshjes për Asociacionin e Komunave Serbe. Daçiç ka thënë se vendimi për masën e përkohshme të pezullimit të marrëveshjes nga Gjykata Kushtetuese është skandaloz. Por, sipas Ahmetit, skandaloz është fakti që “dora e djathtë e Millosheviçit, Daçiç, është sot ministër i Punëve të Jashtme të Serbisë”.
Ahmeti e konsideron skandaloz edhe faktin që dikush nga Kosova pranon të flas me të edhe më tutje për Kosovën. “Skandaloz është fakti që dikush nga Kosova ju buzëqesh dhe mendon se ju keni ndryshu. Skandaloz është ky dialog që vazhdon në mënyrë të padrejtë”, thotë kreu i Komunës së Prishtinës.
