Për ish-ministrin e Financave Arben Ahmetaj efektet e zgjidhjes së krizës politike shihen qartë dhe në ekonomi. Stabiliteti i vendit, thotë ai në një postim në Facebook është “një parakusht i rëndësishëm për një klimë biznesi të shëndetshme.
“Nga sot nisim një kapitull të ri për Shqipërinë. Votimi i Komisioneve të Vettingut është një hap tejet i rëndësishëm dhe i domosdoshëm për rrugën tonë drejt së ardhmes, Bashkimit Europian dhe Shqipërisë që duam.
Efektet pozitive të zgjidhjes së krizës së Partisë Demokratike mund të shihen në çdo aspekt, por vecanërisht në një prej tyre, që për ne është thelbësor: ekonomia.
Pashë që sipërmarrësit e përshëndetën përpjekjen tonë për të ruajtur stabilitetin e vendit, një parakusht i rëndësishëm për një klimë biznesi të shëndetshme.
Dhe ashtu si kemi bërë në këta katër vjet, ne jemi të lumtur të vazhdojmë bashkëpunimin tonë intensiv me sipërmarrjen, për më shumë mundësi për të bërë biznes, për më shumë mundësi punësimi në Shqipëri.
Ashtu siç luftuam për Vettingun, ashtu do të luftojmë për më shumë vende të reja pune për qytetarët shqiptarë. Ky është drejtimi për Shqipërinë që duam!”, shkruan Ahmetaj./a.ç
