Ministri i Ekonomisë Arben Ahmetaj ka reaguar pas fjalës së Bashës në Shkodër, duke e shpjeguar zemërimin e Bashës me faktin që Ahmetaj e thërret atë “administrator” i partisë. Por sic shpjegon më tej në reagimin e tij Ahmetaj “Edhe kaq e ke shumë, sepse këpucët që të kanë lënë e të rrinë shumë të mëdha, nuk mbushen dot me pallavra dhe dëshira nga subkoshienca”.
Më poshtë Ahmetaj i bën thirrje të publikoj qoftë dhe një fakt të vetëm që mund të ketë kundër tij. “Një fakt, një letër nxirre, çoje në Prokurori për mua, po një të vetme të paktën, apo do vazhdosh të shprehësh dëshira nga subkoshienca?! Të këshilloj t’i paraqesësh të gjitha në Prokurori, pastaj tregoja letrat shqiptarëve, të jesh të paktën njëherë në jetën tënde i besueshëm.”
Por në fund të reagimit të tij Ametaj i kujton Bashës dhe një detyrim që ai ka ndaj “Dashit. “ Dashit duhet t’ja kthesh ato të lejes të lutem, se po pëshpërin gjithë PD”, shkruan Ahmetaj. Nuk dihet për kë deputet apo zyrtar tw Partisw e ka fjalën, por flitet për një aferë të Bashës, i cili i ka marr një sasi mbi 200 mijë euro për një leje ndërtimi, të cilat nuk janë kthyer edhe pse leja nuk është dhënë, me arsyetimin se “lekët i ka mbyllur në kasafortë të partisë”.
