Aksioni në tregun e hidrokarbureve po jep sinjalet e para pozitive. Në një deklaratë për mediat të mbajtur nga Ministri i Ekonomisë, Arben Ahmetaj, u deklarua se janë verifikuar 122 pika karburantesh në disa qytete ku mes tyre janë gjetur shkelje që janë gjobitur ndërsa 40 prej tyre janë në procedim penal.
“Gjatë aksionit janë verifikuar 122 pika karburantesh që tregtojnë me pakicë në disa qytete, 4 prej të cilave janë gjobitur për shkelje të procedurave të tregtimit të karburantit, ndërsa ndaj 40 të tjerave ka nisur procedimi penal për fshehje të ardhurash. “, u shpreh Ahmetaj.
Ahmetaj theksoi se përpos këtyre, ka edhe arrestime.
“Ndërkohë, janë arrestuar në flagrancë 6 pronarë të pikave të karburantit, ndërsa dy të tjerë janë shpallur në kërkim”, tha ministri Ahmetaj.
