Agron Duka ka lënë Partinë Republikane dhe është zgjedhur Kryetar i Partisë Agrare Ambientaliste. Në një intervistë për Ora News, vetëm pak minuta pasi ka marrë detyrën e re, Duka ka paralajmëruar se pjesë e kësaj partie shumë shpejt do të bëhen edhe deputetë të tjerë. Duka është shprehur se synon që në krye të PAA-së të japë më shumë angazhim për zhvillimin e sektorit të Bujqësisë.
Agron Duka, është larguar nga Partia Republikane, në të cilen mori mandatin e deputetit në qarkun e Durrësit, për tu zgjedhur Kryetar i Partisë Agrare Ambientaliste. Zyrtarizmi i tij ka ardhur pas mbledhjes së asamblesë kombëtare të Partisë Agrare në të cilën është pranuar dhe dorëheqja ish kryetarit Lefter Xhuveli. Në një interviste për Ora News, vetëm pak minuta nga zyrtarizimi i tij, Duka, thotë se po merr drejtimin e kësaj force politike për të shtuar kontributin për zhvillimin e bujqësisë, sektor për të cilin ai është angazhuar prej vitesh.
Agron Duka: “Unë dhe miqtë e mi mendojmë që zëri oponent ndaj mazhorancës qeverisëse përsa i përket problemeve të bujqësisë, blektorisë, peshkimit, mjedisit etj nuk është në nivelin e duhur.Do thoni ju në fund të fundit jemi në parlament dhe këtë ze mund ta ngrini si anëtar i Grupit Republikan por mendoj se gjithësesi ky zë bëhet më i fortë kur ngrihet nga një grupim politik siç është Partia Agrare të cilën e ka kauzë të saj pikërisht zhvillimi i bujqësisë, blektorisë, peshkimit, mjedisit etj”.
Agron Duka do ta drejtojë Partinë Agrare në opozitë dhe vendimin për t’iu bashkuar si kryetar kësaj force politike ai e ka konsultuar dhe me ish-kryetarin e tij, Republikanin Fatmir Mediu.
Agron Duka: “Këtë vendim e kam marrë me konsultë të plotë me kryetarin e Partisë Republikane Fatmir Mediun me të cilin vazhdoj të kem marrëdhenie miqësore jo vetëm por edhe marrëdhenie politike që në fund të fundit jemi të së njëjtës aleancë, të aleancës opozitare”.
Partia Agrare është Partia më e re që i bashkohet formacioneve poltike paralmenatre , dhe Kryetari i sapo zgjedhur, thotë se është në diskutim dhe me deputet të tjerë që mund ti bashkihohen këtij formacioni poltik, duke shmangur emrat konkret.
Agron Duka: “Besoj që parlamenti shqiptar ka shumë njerëz të cilët kanë të tillë background që do kenë dëshirë në fund të fundit të përfaqësojnë apo të mbrojnë pikërisht këto që thash mësipër. Jemi në bisedime. Mund të kemi në të ardhmen edhe ndonjë bashkim”.
Partia Agrare Ambinetaliste është drejtuar për 25 vite nga Lufter Xhuveli, i cili në 2005 iku nga kolacioni me socialistët e Fatos Nanos dhe iu bashkua kabinetit qeveritar të kryeministrit Berisha. oranews
