Agron Duka thotë se Durrësi ka bërë një regres të madh vitet e fundit.
Ai thotë në TCH se kjo do ia bënte të vështirë punën nëse do të kandidonte e të fitonte në këtë Bashki.
“Jemi në një proces për përzgjedhjen e kandidatëve për zgjedhjet lokale.
Do negociojmë, e do vendosim ata që besojmë se do të fitojnë.
Nuk kam ndërmend të kandidoj për Bashkinë e Durrësit.
Durrësi ka bërë regres të madh. Ka shumë probleme, nuk e mendoj se mund të rregullohen brenda një mandati”, u shpreh Duka.
Por kjo nuk është arsyeja e vetme e Dukës për të mos kandiduar në Durrës.
“Është e vështirë të hysh në këtë luftë pa u zgjidhur më parë lidhjet e botës së krimit në Durrës me qeverinë”, theksoi ai.
/b.d
