Agjencia e njohur e lajmeve në Gjermani, DPA, ka bërë një shkrim për Shqipërinë, pas vizitës së ministrit të Jashtëm gjerman, Sigmur Gabriel, në Tiranë.
Ajo shkruan se PD ka ngritur një çadër para Kryeministrisë, nga frika se do të humbasë zgjedhjet.
Sipas saj, Basha bën përditë akuza gati të pabesueshme ndaj qeverisë, ndërkohë që kjo e fundit, shkruan DPA, ka mbështetjen e Uashingtonit dhe Brukselit zyrtar.
“Për shkak se demonstruesit nuk kanë pasur sukses deri më tani, PD ka shtuar presionin duke theksuar se do të bojkotojë zgjedhjet parlamentare.
Shefi i PD, Lulzim Basha u mban përkrahësve të tij çdo ditë fjalime të zjarrta me akuza gati të pabesueshme.
Është e paqartë se si të ardhurat e drogës do të blejnë ndikimin politik.
Basha akuzon vazhdimisht se “Rama është komandanti i ushtrisë së drogës, që mban peng të gjithë vendin”.
Vëzhguesit vendas dhe të huaj janë ende me pikëpyetje se përse PD po ndjek këtë kurs të konfrontimit pa kompromis.
Disa argumentojnë se PD është zhgënjyer nga humbja e zgjedhjeve lokale në Dibër vitin e shkuar.
Tani ajo druhet se do humbasë edhe zgjedhjet parlamentare të radhës,” thuhet në shkrimin e agjencisë së njohur gjermane të lajmeve. /tema/b.d
