Kompozitori i njohur dhe një prej themeluesve të muzikës së lehtë shqiptare, ka surprizuar sot lexuesit teksa në një intervistë bën edhe krahasimin mes Parashqevi Simakut dhe Vaçe Zelës.
Duke folur për gazetën ‘Panorama’, Agim Krajka shprehet se e mban mend fare mirë ditën kur Simaku i trokiti në derë dhe i kërkoi që ta dëgjonte. “E mrekullueshme” – thotë Krajka duke kujtuar atë moment.
Bashkëpunimi mes tyre vijoi edhe gjatë demokracisë, kur të dy sëbashku jetonin në SHBA. Krajka shprehet se Parashqevia u strehua në shtëpinë e tij në Amerikë dhe të dy nisën të këndojnë nëpër lokale…
“Dua të theksoj se as Vaçe Zela nuk e ka pasur zërin e Parashqevi Simakut. Por Vaçja kishte pikë të fortë emocionale. Kur i ikte zeri, nuk e merrte vesh njeri” – thotë Krajka për Panoramën.
