Aeroporti i Brukselit do të mbetet i mbyllur të mërkurën pas sulmeve terroriste që ndodhën të martën në mëngjes, ka njoftuar drejtori Arnaud Feist. Të martën në kryeqytetin e Belgjikës ndodhën tri sulme terroriste, një nga të cilët ishte në aeroport. Nga sulmet mbetën të vdekur së paku 30 persona.
“Në emër të personalit të aeroportit dua të shpreh keqardhjen për viktimat. Dua të falënderoj shërbimet emergjente dhe të shpëtimit për solidaritetin dhe ndihmën. Kjo padyshim është dita më e zezë në historinë e Aeroportit të Brukselit”, ka thënë ai. Përgjegjësinë për sulmet e ka marrë Shteti Islamik.
