Nga Afrim Krasniqi
Prej 25 vitesh flasim e flasim per pavaresine e drejtesise (gjyqesor, prokurori, etj). Pavaresia eshte parim kushtetues, eshte standard demokracie, eshte vlere e shoqerive te hapura dhe eshte nje prej garancive per shtetin e se drejtes. Po si u be drejtesia shqiptare e pavarur? Ja nje dokument nga debatet parlamentare 1991, – gjykata e larte u mblodh, iu kerkua te behen te pavarur duke dorezuar teseren e partise. Shumica pranuan, dorezuan teseren dhe u bene “te pavarur”, vetem pak prej tyre preferuan teresen ne vend te pavaresise. Ironia shkon me tej, ata qe refuzuan te behen te pavarur, pra nuk dorezuan teseren, – hyne ne politike, u bene deputete dhe nga aty u bene kryetare ne gjykaten kushtetuese dhe gjykaten e larte, pra u bene shefa te “pavaruarve”! Nje vit me vone, rotacioni solli nje praktike te re: aktiviste politike bene nje kurs shtese dhe u bene ndihmes gjyqtare dhe me pas edhe gjyqtare. Me vone, ndonje i diplomuar ne magjistrature refuzoi emerimin, dha doreheqje nga gjyqesori…hyri ne politike dhe u bene deputet dhe ministra drejtesie, pra politikberes te sistemit qe vete braktisen!
Sot dy palet jane ne krye te sistemit qe kemi dhe atij qe duam te kemi pas reformes!! A do te ndodhe qe edhe tani (2016) gjyqtare e prokurore qe do largohen (per shkak te dosjeve korruptive dhe pamundesise te justifikojne pasurine) te sillen si viktima politike, te hyjne ne politike dhe ne zgjedhjet 2017 te behen deputete, e keshtu, ti kemi ministra te ardhshem drejtesie apo ligjvenes ne parlament?? Teorikisht po. Ekzistojne te gjitha mundesite qe kjo te ndodhe dhe me siguri do te ndodhe. Ata kane aq shume raporte besimi me shefat e politikes qe emerojne deputetet ne lista proporcionale, sa e kane te sigurt karrieren politike nese e duan ate. Plus, ata jane aq te pasur, sa mbeten burime financimi potenciale per fushatat dhe partite politike…..Jane “detaje” te vogla por qe flasin shume, sesi parimet e medha te demokracise jane keqtrajtuar dhe keqperdorur per te prodhuar modele te deformuara ne identitet dhe integritet, dhe sesi ato mbeten ende objekt keqperdorimi, per te mbajtur ne kembe sistemin korruptiv konsensual politik!
