Administratori i Operatorit të Shpërndarjes së Energjisë Elektrike, Haki Mustafa, ka urdhëruar sot pezullimin e dy punonjësve të kompanisë OSHEE
Bukurosh Maci, me detyrë drejtori i Drejtorisë Rajonale të OSHEE Elbasan dhe Ndue Nikolli me detyrë shef i agjencisë OSHEE Pukë, janë larguar me motivacionin “Për pjesëmarrje në fushatë”.
Arsyeja e këtij vendimi është bazuar në nenin 153 pika 1,2, neni 154 pika 1 e Kodit të Punës si dhe duke u mbështetur në VKM nr. 473 datë 01/06/2017 pika 2 “Për marrjen e masave dhe monitorimin e veprimtarisë, sjelljes apo përdorimit të burimeve njerëzore, financiare dhe logjistike të administratës shtetërore, gjatë procesit zgjedhor për zgjedhjet në Kuvendin e Shqipërisë për vitin 2017”.
Po sot administratori i OSHEE-së, i vendosur nga PD pas marrëveshjes politike mes kryeministrit Edi Rama dhe liderit të opozitës Lulzim Basha, Haki Mustafa, ka komanduar Alfred Mitron në pozicionin drejtor të drejtorisë rajonale të OSHEE Elbasan dhe Admir Uruci si shef i agjencisë OSHEE Pukë.
a.ç
