Administratori i OSHE shkarkoi drejtorin e Ekbasanit, Këshilli Mbikqyrës rrëzon urdhrin

Këshilli Mbikëqyrës i OSHEE rrëzon urdhrin për pezullimin e Bukurosh Maçit me detyrë Drejtor i Drejtorisë Rajonale Elbasan.

Sipas vendimit urdhri nuk është i bazuar në ligj dhe është marrë nga Administratori i shoqërisë në kapërcim të kompetencave të tij të përcaktuara në statutin e shoqërisë OSHEE sh.a.

“Eshtë pikërisht ky organi kompetent për emërimin dhe lirimin nga detyra te drejtuesve të Drejtorive në Nivel Kombëtar dhe Rajonal të shoqërisë OSHEE sh.a dhe jo administratori”- thuhet ne vendim.

Sipas tij, zgjidhja e menjëhershme e kontratës të punës mund të bëhet vetëm për shkaqe të justifikuara dhe në çdo rast administratori duhet të propozojë para Këshillit Mbikëqyrës  ndërprerjen e marrëdhënieve të punës, si organi kompetent për këtë vendimmarrje.

“Masa disiplinore e ‘Pezullimit nga detyra’ nuk është një masë disiplinore e parashikuar në ligjin Nr. 7961, datë 12.7.1995 “Kodi i Punës i Republikës së Shqipërisë” dhe as në Kontratën Kolektive të Shoqërisë OSHEE sh.a.