Administratori i OSHEE, Ardian Çela, në një bashkëbisedim me gazetarët ka deklaruar se kompania që ai drejton ka kaluar krizën ekonomike dhe po vijon me fazën e mirëmenaxhimit.
Sipas tij, aksioni i përbashkët me policinë për të prerë lidhjet e paligjshme ka rezultuar i suksesshëm, pasi është ulur konsumi i energjisë elektrike.
“Kompania tani ka më shumë mundësi për investime, kemi një reduktim të nivelit të borxhit, ulja e borxhit edhe në 3-mujorin e parë të 2016. Borxhi i kompanisë është ulur në 108 miliardë lekë”.
Më tej çela tha se puna e kësaj kompanie po përbaltet nga opozita. “Po vëmë re përbaltjen e opozitës, ata që e zhytën OSHEE në krizën më të thellë. Unë mund të them se ne kemi arritur reduktimin e nivelit të humbjeve dhe kemi nisur investimet në rrjet që kapin shifrat 9.2 mld lekë”, shtoi ai.
