Donald Trump kishte premtuar një rishqyrtim të qasjes historike me Kubën, me iniciativë të paraardhësit të tij demokrat, Barack Obama. Ai do të bëjë të ditur të premten, nga Majemi, disa rregullime qëllimi i së cilave pritet të përcaktohet përfundimisht, kryesisht në sektorin e turizmit.
Nëse presidenti amerikan kërkon të dërgojë sinjale ndaj bazës anti-kastrist që i dha një mbështetje reale në Florida, ai është gjithashtu i vetëdijshëm se bashkëpunimi miqësor me ishullin komunist pas një gjysmë shekulli me tensione të trashëguara nga Lufta e Ftohtë është objekt i një mbështetjeje të madhe ndaj SHBA, kryesisht në pjesën e botës së biznesit.
Shtëpia e Bardhë aktualisht nuk prononcohet në lidhje me projektet e saj.
Askush nuk përmend masa rrënjësore të tilla si vënia në pikëpyetje e marrëdhënieve diplomatike, të pakundërshtueshme që nga korriku 2015. Në mesin e pistave për studim mbetet parashtrimi i kufizimeve të reja ndaj udhëtimeve të shtetasve amerikanë në ishull, dhe kufizimi i mundësive të partneritetit mes kompanive amerikane dhe disa subjekteve kubane./a.m.
