Administrata Trump ka intensifikuar përpjekjet për të zvogëluar madhësinë e fuqisë punëtore federale, duke urdhëruar agjencitë të pushojnë pothuajse të gjithë punonjësit në provë që nuk kishin fituar ende mbrojtjen e shërbimit civil, duke prekur potencialisht qindra mijëra punonjës.
Përveç kësaj, disa agjenci paralajmëruar punonjësit e tyte për shkurtime në vendet e punës.
Vendimi për punonjësit në provë, të cilët në përgjithësi kanë më pak se një vit në punë, erdhi nga Zyra e Menaxhimit të Personelit, e cila shërben si departament i burimeve njerëzore për qeverinë federale.
Ky pritet të jetë hapi i parë në largimin e përgjithshëm të punonjësve. Presidenti Donald Trump nënshkroi një urdhër ekzekutiv të martën (11 shkurt)që u thoshte udhëheqësve të agjencisë që të planifikonin “reduktime në shkallë të gjerë në fuqi”.
Plani për më shumë tarifa
Ndërkaq, në vazhdën e vendimeve, presidenti Trump ka dyfishuar presionin për tregti më të ekuilibruar, duke urdhëruar të enjten (13 shkurt) që agjencitë të hetojnë planet për tarifa të reja reciproke që mund të rrisin të ardhurat e Amerikës, por gjithashtu mund të ndezin një luftë tregtare globale dhe të shtojnë problemin e rimëkëmbjes së inflacionit të Amerikës.
Howard Lutnick, i emëruari për Sekretarin e Tregtisë nga Trump, tha se ai parashikon që hetimi të përfundojë deri më 1 prill. Më pas i takon Trumpit të vendosë, që nga 2 prilli, se kur të miratojë ndonjë nga tarifat e reja të rekomanduara.
Tarifat reciproke ishin një nga premtimet thelbësore të fushatës së Trump – metoda e tij për t’u përballur me vendet e huaja që vendosin taksa mbi mallrat amerikane dhe për të zgjidhur ato që ai ka thënë se janë praktika të padrejta tregtare.
“Ata na ngarkojnë një taksë ose tarifë dhe ne i ngarkojmë ata saktësisht të njëjtën gjë. Askush nuk e di se cili është ai numër nëse nuk shkoni sipas vendit,” tha Trump.
