Acarimi me Rusinë, SHBA do të vendosë trupat e parë në Norvegji

Shtetet e Bashkuara do të vendosin 330 ushtarë në Norvegji. Kjo është bërë me dije nga qeveria norvegjeze.
Një lëvizje e tillë pritet të shkaktojë tensione me Rusinë fqinje.
Ushtarët amerikanë do të vendosen në bazën ushtarake Vaernes, 1 mijë kilometra nga kufiri me Rusinë.
Aktualisht Shtetet e Bashkuara kanë shumë pajisje ushtarake të strehuara në tunele në Norvegji, e cila është aleate e NATO­s, por jo ushtarë.
“Është e rëndësishme për sigurinë e Norvegjisë, që aleatët tanë të vijnë këtu për të marrë njohuri se si të operohet në Norvegji dhe me forcat norvegjeze”, tha ministrja e Mbrojtjes e Norvegjisë, Ine Eriksen Soreide.
Javën e kaluar, Ambasada e Rusisë në Norvegji, ka shprehur befasi për idenë e vendosjes së trupave amerikane në Norvegji, duke theksuar deklaratat e shpeshta të liderëve norvegjezë se Rusinë nuk e shohin si kërcënim.
tema/d.i.