Katër ish-zyrtarë të ministrisë së Drejtësisë janë janë vënë në pranga, pasi akuzohen për shpërdorim detyre.
Arrestimi i tyre është bërë pas një hetimi të Prokurorisë së Tiranës për periudhën kohore 2016-2017, ku u zbulua dhe abuzimi i tyre me tenderat e ministrisë së Drejtësisë.
Sipas news24, në pranga kanë rënë Juliana Hoxha ish sekretare e Pergjithshme, Aurel Lamçe, drejtori i Sherbimeve Mbeshtetese dhe dy specialiste IT, Lysien Ali dhe Arlind Alikaj.
Ndërkohë, sipas mediave po verifikohen edhe veprimet dhe përgjegjësia konkrete e ish-ministrit të Drejtësisë, Ylli Manjani, por edhe ish-ministrit Petrit Vasili, pasi po hetohet pikërisht periudha kur institucioni drejtohej prej tyre.
Në hetimet e Prokurorisë janë përfshirë 12 persona të cilët po ashtu dyshohen se kanë shpërdoruar detyrën.
Prokuroria e Tiranës hetoi në 5 tendera, konkretisht:
1.Mirëmbajtja dhe mbikqyrja e sistemit ICMIS në 7 Gjykatat Administrative
2.Përmirësimi i sistemit të mbikqyrjes elektronike në fushën penale
3.Përmirësimi, Zhvillimi dhe Mirëmbajtja e Regjistrit Noterial Shqiptar
4.Sistemi i Monitorimit me kamera për burgun e Lezhës dhe Fushë Krujës
5.Përmirësimi dhe mirëmbajtja e sistemit elektronik të çështjeve të përmbarimit
Shkeljet janë evidentuar fillimisht nga grupi i inspektimit të Ministrisë së Drejtësisë, e më pas dhe nga grupi i inspektimit të Ministrisë së Financave.
Siç bëhet me dije, “hetimet kanë nxjerre në pah shkeljet e evidentuara të shoqëruara me pasoja të mëdha për buxhetin e shtetit. Disa nga sistemet objekt të këtyre procedurave të prokurimit në një pjesë të madhe nuk janë funksionale”.
Për këtë çështje janë dhënë masa për ish-sekretaren e Përgjithshme të Ministrisë së Drejtësisë dhe Drejtorin e Shërbimeve Mbështetëse si dhe specialistët e IT.
Hetimet kanë pasur në fokus funksionarët publik që kanë qenë pjesë e njësive të prokurimit, komisioneve të verifikimit të ofertave dhe komisioneve për mbikqyrjen e zbatimit të kontratave.
