Gjykata ka dënuar me burgim përjetë Klodian Çalamanin, i cili përdhunoi e më pas vrau 8-vjeçarin Mateo Vasiun.
Ngjarja e rëndë ndodhi më 16 nëntor 2022. Çalamani rrëmbeu, vrau dhe më pas varrosi në oborrin e banesës së tij Vasiun. Ai u arrestua në të njëjtën ditë pasi u dallua direkt vendi i sapopunuar në oborr, ku ishte groposur i riu.
Ngjarja tronditi të gjithë vendin, duke bërë që familjarët por edhe qytetarë të nisin një peticion për mbledhjen e firmave, në mënyrë që në vend të rikthehet dënimi me vdekje.
Ajo që e bëri edhe më tragjike këtë ngjarje, ishte se Çalamani e groposi në oborrin e shtëpisë së tij, në tentativën për të fshehur çdo gjurmë.
Pasi ka pranuar krimin monstruoz dhe është dorëzuar, autori i cili ishte fqinj me djalin nuk zbuloi motivet e këtij krimi dhe arsyen se çfarë e shtyu të vrasë një fëmijë vetëm 8-vjeç./m.j
