Policia në Las Vegas ka arrestuar ish-aktorin Nathan Chasing Horse i cili akuzohet për abuzim seksual ndaj vajzave të mitura. Nathan Chasing Horse, dyshohet se është udhëheqësi i një kulti të njohur si “Rrethi”.
Policia ka identifikuar të paktën 6 viktima të sulmit seksual të Nathan Chasing Horse ndaj tyre që datojnë në fillim të viteve 2000. Deri më tani, asnjë avokat nuk i është caktuar që të komentojë në emër të tij.
“Associated Press” raporton se shtëpia e tij, të cilën ai thuhet se e ndan me pesë gra, u bastis të martën pas një hetimi policor që kishte nisur prej muajsh pasi ata morën një informacion në Tetor.
Chasing Horse kishte fituar një reputacion midis fiseve indigjene në të gjithë SHBA-në dhe Kanadanë si një mjek që kryente ceremoni shërimi dhe tubime shpirtërore.
Dyshohet se ai ka përdorur pozicionin e tij për të kryer abuzimet, i cili referuar dokumenteve të policisë mendohet të ketë ndodhur në shumë shtete, duke përfshirë Montana, Dakota e Jugut dhe Nevada – ku Nathan Chasing Horse ka jetuar për rreth një dekadë. Disa nga viktimat e tij të supozuara raportohet se kanë qenë 13 vjeç.
Gjatë kohës së tij si aktor, ai ishte më i njohur për rolin e tij si anëtari i ri i fisit Sioux Smiles a Lot në filmin fitues të Oscarit të vitit 1990, Kevin Costner, Dances With Wolves.
/a.r
